مساء الخير ,,
جمعة مباركة على الجميع ..

انا مشكلتي غير ,,عكس الناس

قصتي هي : انا كنت نحيفة ,جسمي زي اجسام الممثلات ,,ترى ما ودي امدح نفسي بس هذا الصدق
متناسق بمعنى الكلمه , كان جسمي انثوي ,,بسنة من السنين سمنت يمكن 25 كيلو بسنه وحده فقط
,,اااااه على جسمي ,,ياحسرتي بس وبديت اسمن واسمن
بذيك السنه مريت بظروف صعبة ونفسيتي دمار,هرمونات يمكن تغيرت ,, خرب جسمي كان 50 صار الحين 75,, لدرجة انه الناس الي سنه ماشفتهم تطير عيونهم هذه فلانة!!!!!! والي يقول ماشفتوا فلانة انفقعت من السمنة
مدري وش الي صار ,, والله يا بنات بنات خالي كانوا يحكون يقولون ماشفتوا فلانة لابسة تي شيرت احمر ماسك جسمها يجنننن,, وبنت عمي تقول ودي اذا لبست جينز يصير جسمي زيك ,, وبنت خالي تقول مره كنت لابسه تنوره الجامعة السودا , تقولي ما شاء الله جسمك مره حلو ,, تخيلوا بنات وانا لابسه تنورة جامعةو بلوزه واسعه ,,
انا ترى ما اقول هالكلام عشان اقولكم انها عين ..لا ما احس

خواتي 3 واجسامهم حلوة ,يقولون تغير هرمونات

والله يا بنات جسمي الحين خرب صار تصفطات وكرشه كبر وشو, وسترش مارك , وترهل و وجهي صار دببب,, والله مدري وش صاير ,,صرت البس بلايز طوال , صرت اغطي يديني
سويت كم مره رجيمات ,, فلحت بواحد بس , لاني دخلت نادي نخفت يمكن 11 كيلو ب شهرونص,, والحين رجعتهم كلهم وزيادة ,,
حاليا اشتركت بنظام غذائي يوصلون للبيت بعد ماجلست مع الدكتورة واتفقنا على كالوريس معينة ,,بتقولون وين المشكلة؟؟؟؟
مشكلتي
الهمة في الحضيض , مالي نفس مع ان اكلهم احسن من اكلي الغادي . وحلويات وسناكس وكذا
وانا مجربتهم يوم نحفت 11 كيلو كنت مشتركة معهم ,, بس الحين ماعندي عزيمة ابد ,,
وبيني وبينكم انا في سن زواج ودي انحف ,لان في احد خطبني يوم عرف اني مليانة فكها ,, طبعا انا ما همني لانه مو كلهم كذا واعرف ناس اسمن مني وتزوجوا

شاركوني مشكلتي ,, شجعوني ودي احط لي جدول ودي انحففففففففف

الموضوع الأصلي : كنت رشيقة,,وخصري صغير,كان جسمي متناسق والحين انفقعت من السمنة!دلوني ياقادة الريجيمات || الكاتب : ملكة الطوفان || المصدر : الوسط العربي

الموضوع الأصلي : كنت رشيقة,,وخصري صغير,كان جسمي متناسق والحين انفقعت من السمنة!دلوني ياقادة الريجيمات || الكاتب : شوق المشاعر || المصدر : الوسط العربي